Har du aldri prøvd yoga før er neste laurdag eit godt høve. Foto: Dorotha yoga
- Annonse -

Seks Stord-baserte yogainstruktørar går saman for å arrangere «Yoga for charity».

Neste laurdag vert det ein unik sjanse til å eit innblikk i det breie yogatilbodet som eksisterer på Stord. Heile seks instruktørar går saman om å arrangere «yoga for charity» på Heiane Trening & Helse, til inntekt for KrisesenterVest IKS.

Ønskjer å hjelpa

– Me er alle interesserte i å hjelpe. Samtidig så er det ikkje så alt for mykje som skjer på Stord, så me ville forsøke å få til noko, seier Amanda Tonna. Saman med Kajsa Nordström og Dorota Zborowska arrangerer dei yogadagen for å hjelpe kriseråka kvinner.

– Me synest det er ein skam at det er behov for eit slikt krisesenter på Stord i 2017. Kvinner fortener betre enn det.

Arrangørane meiner yoga er ein bra eigna aktivitet for å setje søkjeljos på kvinners rettar.

- Annonse -
- Annonse -

– Det er jo flest kvinner som driv med yoga, og me som står bak er alle kvinner. Samtidig skjer arrangementet rett etter kvinnedagen, seier Tonna.

Passar også for menn

- Annonse -
Amanda Tonna, foto: Jonas Sætre/Stord24

Tonna oppmodar likefullt menn til å prøve seg på yoga neste laurdag. Ein av dei seks øktene er faktisk berekna berre for menn.

– Me treng fleire menn som gjer yoga. Eg veit ikkje kvifor yoga er mest populært blant kvinner. Menn er kanskje meir vant til å gå på treningsstudio, seier Tonna som meiner det ikkje er noko feminint med yoga.

Dei fleste formar for yoga er representert under arrangementet, mellom anna Kundalini, Hatha og Vinyasa. Tonna opplyser også om at det vil vere barnerom tilgjengeleg med barnepass under yogatimane. Ho oppmodar folk som aldri har gjort yoga før til å nytte sjansen for å sjå kva det går ut på.

KrisesenterVest IKS dekkjer kommunane i Sunnhordland og Haugalandet og er lokalisert på Stord og i Haugesenter.

 

- Annonse -