- Annonse -

Stord24 er i ein kjempedriv! Tre veker etter lanseringa kan me vise til følgjande tal:

  • Meir enn 22.000 unike brukarar på Stord24.no på tre veker
  • 90 publiserte saker, der den mest populære saka har hatt over 30.000 sidevisningar
  • Me har tett på 2000 følgjarar på Facebook, og har nådd meir enn 50.000 personar på med innlegga våre på Facebook
  • Rundt 250 personar abonnerer på nyhendebrevet vårt

Desse tala gjer oss trygg på at det er svært god interesse for Stord24, og me er motiverte til å vekse vidare.

Me får mange gode tips frå lesarar om ting me bør skrive om, men ofte må me diverre takke nei, fordi me rett og slett ikkje har tid. Sakene strøymer på, men med berre éin skrivande journalist er me nøydt å prioritere.

Dette har me lyst å gjere noko med. Me er difor no på jakt etter ein entusiastisk, nyheitshungrig medarbeidar som kan jobbe litt inni mellom, og som kan vikariere i sommar og andre feriar.

Me kan tilby eit dynamisk og spennande miljø, der det å ha det gøy på jobb er ein målsetnad i seg sjølv. Me kan tilby ein svært god arena for deg som ønskjer å bygge opp erfaring som journalist. Sjølv om me er ei lokal mediekanal, gjer samarbeidet vårt med Sysla høve til å nå ut til eit nasjonalt publikum med sakene våre.

- Annonse -

Me søkjer gjerne deg som er under utdanning eller som er nyutdanna, men som kanskje ikkje har fast jobb øvst på ønskjelista i næraste framtid, men som er sulten på å vere med på å drive fram ei nyskapande medieverksemd. På sikt kan det bli gode høve for større arbeidsmengd.

For fleire detaljar, ta kontakt med Jonas Sætre på jonas@stord24.no/tlf. 47652527.

 

- Annonse -