Verdsrekordhaldar Magne Klann kjem til Stord førstkomande torsdag. Pressefoto
- Annonse -
- Annonse -
- Annonse -

I fjor segla fotograf og forfattar Magne Klann frå Nordkapp til Lindesnes i ein 13 fot stor segljolle. Torsdag skal han møte reise- og seglinteresserte i Sunnhordland på Verket på Stord.

Pressemelding frå Stord Seilklubb

Magne Klann gjorde det mange trudde var umogleg. Å segle i ein bitteliten båt frå Noregs nordlegaste punkt til det sørlegaste på under 50 dagar.

Utan følgjebåt og berre med det han kunne pakke med seg i den vesle jolla.

– Me som følgde Magne Klann via sosiale media i fjor vart mektig imponert. Han gjennomførte ein seglas på 1158 nautiske mil med minimalt av utstyr og hjelpemiddel, fortel John Bjordal i Stord Seilforening.

Magne Klann

Ei heilt spesiell reiseskildring

Han segla sjølv i eigen båt frå Stord til Lofoten tur/retur i fjor og veit kor krevjande enkelte av etappane kan vera.

- Annonse -
- Annonse -

– Det er jo noko heilt anna å segle i ein trygg 35-fotar enn i ei jolle. Det kan ikkje samanliknast. Men naturopplevingane er jo sterke uansett. Magne Klann er fotograf og har teke ei rekke fantastiske bilete og filmar frå turen. Det blir utruleg kjekt å få høyre ei reiseskildring heilt utanom det vanlege. Han er ein god formidlar, påpeikar Bjordal.

- Annonse -

Magne Klann har jobba som fotograf, skribent, forfattar og forleggar sidan 1998.

Leiar i Stord Seilforening, Michaela Weissova, ser også fram til Klann kjem på besøk.

– Ein treng ikkje vere seglar for å komme og møte Klann og høyre hans historie. Likar du å høyre om unike naturopplevingar og sjå bilete frå store deler av Noregs kyst oppmodar eg folk til å komme. For dette vert veldig kjekt.

#HoldHavetRent

I tillegg til reiseskildringa vil jolleseglaren på vegne av Norges Seilforbund fortelje om  #HoldHavetRent og «Clean Seas, turn the tide on plastic.»

Tematikken handlar om korleis havet er båtfolket sitt element, og om kor viktig det er at seglarar hjelper til med å løyse problema med forsøpling og forureining. Det vert også høve til å ta ein nærare kikk på boka «Norge om babord» som Klann gav ut i haust etter at verdsrekorden i einmannsjolla var unnagjort.

- Annonse -
- Annonse -
- Annonse -