Foto: Richard Sagen/Adresseavisa
- Annonse -

Ein mann i slutten av tenåra frå Stord døydde i ei trafikkulukke på E6 ved Melhus i Trøndelag søndag morgon.

Den unge mannen døydde då bilen han køyrde frontkolliderte med ein lastebil på E6 i Melhus i Trøndelag. Politiet melde om ulukka klokka 6.55 søndag morgon.

Søndag kveld stadfestar Trøndelag-politiet overfor Stord24 at den omkomne kjem frå Stord.

– Etter samråd med familien hans kan me stadfeste at mannen kjem frå Stord, seier etterforskingsleiar Kjell Steinar Wibe i Trøndelag politidistirkt.

I følgje politiet skal personbilen ha kome over i motgåande køyrefelt.

– Dei jobbar framleis med den krimtekniske rapporten, og før det ønskjer me ikkje å spekulere i årsaka til ulukka, seier Wibe.

- Annonse -

NRK Trøndelag skriv at tenåringen først var alvorleg skadd, men nokre timar seinare stadfesta politiet at han var død.

I følgje Adresseavisen fekk både personbilen og lastebilen store materielle skadar som følgje av kollisjonen. Lastebilsjåføren vart sterkt prega av ulukka.

– Lastebilsjåføren er ein mann i 50-årene. Han kom fysisk uskadd frå ulykken, men var veldig prega etterpå og fekk hjelp av helsepersonell på staden. Han blei seinere teken hand om av kollegaer, opplyste operasjonsleieren til Adresseavisen.

Det var kanadisk, militært personell som kom først til staden og som bidrog med førstehjelp.

- Annonse -