I Am K har allereie spelt to konsertar på Stord i år. På 100 Dagar-festivalen i vinter, og på Fest i Vest i sommar. No skal dei spele på refleksdagen 18. oktober. Foto: Jonas Sætre/Stord24
- Annonse -
- Annonse -
- Annonse -

Dei store offshore-konserna ønskjer å setje fokus på personleg tryggleik og inviterer til refleksdagsshow på Stord.

Det har etter kvart blitt ein fast tradisjon på hausten. Kværner har kvart år sidan 2011 nytta Refleksdagen til å setta fokus på personleg tryggleik for dei som går utandørs i haustmørket.

Enkelte år har Kværner også invitert til refleksdagshow framfor Kulturhuset, saman med reklamebyrået Sydvest.

Deler ut refleks til alle

Dette året er også Equinor med på laget. 18. oktober vil dei dele ut refleksar til alle barneskulane i Stord, til eigne tilsette og til dei som møter opp på refleksdag-showet utanfor Kulturhuset på kvelden.

Den nasjonale refleksdagen blir kvart år markert over heile landet for å få fleire til å bruke refleks.

– Anten me er på jobb, på skulen, på fritidsaktivitetar eller ferdast langs vegen i haustmørket, må kvar enkelt av oss sjølv ta ansvar for tryggleiken vår, seier Kværner-sjef Steinar Røgenes i ei pressemelding.

- Annonse -
- Annonse -

– Me ønskjer å bruka refleksdagen til å minne om dette og setta fokus på kor viktig det er å bruka refleks når ein ferdast langs vegane.

- Annonse -

Minifestival utanfor kulturhuset

Årets refleksdagshow er ein minifestival, arrangert saman med reklamebyrået Sydvest. På festivalprogrammet står I am K, Daniel Owen, Vanja V og lokale Spinae Company.

Kristiansand-bandet I am K spelar melodiøs og elektronika-inspirert poprock og er i følgje P3 eitt av Noregs mest lovande band. Dei er også årets vinnar av bransjefestivalen 100 dagar på Stord.

Vanja V (18 år) er fra Osterøy utanfor Bergen. Ho har ei vakker stemme og syng på dialekt. Ho er tidlegare vinnar av MGP jr. og låten hennar «Sveve forbi» blei kåra til «Ukas urørt» av P3 i 2017.

Daniel Owen (19) er ein norsk sangar og dansar frå Oslo. Allereie som 11-åring vann han «Norske talenter», og dette året har han vore aktuell som deltakar på «Århundrets stemme» på TV2. Owen har blitt omtala og framsnakka i sosiale media både av Justin Bieber sin faste koreograf Nick Demoura og av Chris Brown for sine evner innan dans.

Arrangementet er utanfor Stord Kulturhus og startar klokka 19.00. Showet er gratis og ope for alle.

- Annonse -