Det var ikkje mangel på aktivitet for Stord-keeper Ruben Aksnes i gårsdagens akamp Foto: Kjetil Vasby Bruarøy/Midtsiden.no
- Annonse -
- Annonse -
- Annonse -

Etter åtte baklengsmål måtte Stord erkjenne at dei ikkje hadde ein nubbesjans mot Lysekloster.

Det var få lyspunkt for Stord-herrene som laurdag tok turen over Bjørnefjorden for å spela treningskamp mot Lysekloster i Os. Ved pause stod det 3-0 til Os, og andre omgang blei berre vondt verre. Ved kampslutt måtte Stord erkjenne eit sviande 8-0-tap.

Stord-trenar Jon Pall Palmason skuldar på eit generasjonsskifte i stallen når han skal forklara tapet til Midtsiden etter kampen.

– Det har vore eit generasjonsskifte i stallen vår, vi stiller med 15-, 16-, og 18-åringar. Me er noko prega av manglande rutine, men vi skal ikkje bruka alder som unnskyldning, gutane kan ikkje rekna med at det er mor og far som skal koma og skåra mål for dei.

Palmason meiner spelarane hadde god tru på siger før kampen.

– Me har spelt vinterliga i oppkøyringa, mot lag frå 4. og 5. divisjon, og gutane følte seg nok gode før denne kampen her. Men i dag møter vi sterk motstand, og vi gjekk på ein skikkeleg smell. Me må trø til på ein annan måte enn i dag.

- Annonse -
- Annonse -
- Annonse -

Lysekloster-trenar Ruben Hetlevik vart sjølv overraska over at Stord ikkje viste meir musklar.

– I dag hadde me fokus på angrepsspelet vårt, og der fekk me ein del god øving i dag. Eg hadde trudd Stord skulle yta litt meir motstand, men det er òg mogleg at vi rett og slett spelte dei svake, sa han til Midtsiden.

Lysekloster som er sett på som ein av favorittane til puljesigeren i 3. divisjon, i år kalla Regionsligaen. Men treningskampen mot Stord var laget sin første siger så langt i år. Tidlegare i vinter spelte dei uavgjort mot Vard Haugesund, og tapte 0-1 mot Åsane.

- Annonse -
- Annonse -
- Annonse -