Flytypen Dornier 328 JET vil bli nytta til charterruta. Foto: Sunair.dk
- Annonse -
- Annonse -
- Annonse -

Sun Air vil starte charterflygingar mellom Stord og Billund i Danmark på oppdrag for Siemens Windpower. 

Ruta vert starta opp for å frakte arbeidarar frå Siemens som skal jobba på Statoil sitt vindmølleprosjekt på Eldøyane, opplyser lufthamnsjef Jan Morten Myklebust til Stord24.

Dermed vert det to danske flyselskap som vil ha ruter til og frå Stord lufthamn i år.

Charterruta er planlagd å starte opp i april, og vare i seks månadar. Det vert éi flyging annankvar måndag.

Flyselskapet vil nytta flytypen Dornier 328 JET til ruta, som er planlagt å halde fram i seks månadar. Sjølv om det er Sun Air som vil fly så er det logoen til British Airways som vil dekorere flyet. Det danske flyselskapet er nemleg i franchise med den britiske giganten.

- Annonse -

Det er ikkje første gong det danske flyselskapet har hatt rute på Stord. Frå hausten 2008 til sommaren 2009 var det nemleg Sun Air som sto for Oslo-ruta frå Sørstokken. Den gongen var det Stord lufthamn gjennom selskapet Stordfly AS som sa opp avtalen med Sun Air, då belegget vart så stort at det vart behov for større fly.

- Annonse -
- Annonse -

Sidan 2009 er det som kjend Danish Air Transport som har stått for Oslo-ruta.

- Annonse -
- Annonse -
- Annonse -