Denne strutsen har overraska fleire turgåarar på Stord dei siste dagane. Foto: Lars Slettebö
- Annonse -

Sjølv om Stord har eit rikt dyreliv, var det ingen som forventa å møte ein struts midt på nokre av øyas populære turstiar. 

Laurdag 14.juli skreiv Lars Slettebö i eit facebook-innlegg om det noko uvanleg møtet med det som truleg er ein Emu struts. Emu struts stammar opprinnelig frå Australia, men Slettebö var ikkje lenger heimefrå enn Sjoalemyro då han møtte dyret.

– Etter å ha takka ja til ei brødskive med kaviar la emuen i veg vestover myra i retning Litlabø, skreiv Slettebö.

På tur i fleire dagar

Slettebö var ikkje den einaste som møtte struts på Stord. I løpet av dei siste dagane har fleire turgåarar sett dyret. Sør-Vest politidistrikt fekk på måndag melding om at strutsen var observert igjen.

– Melding om struts i lysløypa på Litlabø. Skal vera omtrent 2 meter høg. Meldaren blei noko overraska då strutsen kom plutseleg mot dei då ho gjekk tur, skriv politiet i ei melding på Twitter.

Då Stord24 snakka med Sør-Vest politidistrikt på tirsdags morgon fortale dei at dei visste lite om strutsen, men at dei ikkje hadde fått meldingar om at den var hissig.

- Annonse -

Fann heim til slutt

Då dei fekk spørsmål om dei ville gjere noko med dyret, fortalde dei at så lenge strutsen ikkje blei ei plage kunne den få gå fritt til eigaren fann den.

– Så lenge me ikkje får inn nokre klager på dyret så gjer me ikkje noko meir med det. Nokon må jo sakne ein struts, så me reknar med at eigaren prøver å finne den, fortalde Sør-Vest politidistrikt.

Og strutsen fann heim til slutt. Då Stord24 ringde eigaren tirsdags morgon, fortalde han at strutsefuglen no var på plass og at alt var i orden. Han ville ikkje kommentere saka meir.

 

- Annonse -