Ruben André Waage imponerte i poker-NM. Foto: Tomas Stacha / Poker.no
- Annonse -

Av 1168 nordmenn som deltok i poker-NM denne veka klarte Ruben André Waage å kome til finalebordet. Men der tok hellet slutt.

36-åringen frå Stord, som er busett i London, driv med poker berre på hobbybasis.

Likevel klarte han å kome til finalebordet, altså blant dei åtte beste, under Poker-NM for 2019. Han deltok i finaletevlinga av turneringa, som gjekk føre seg i den irske hovudstaden Dublin.

Men det gjekk ikkje vegen for Waage i finalen, som var sendt på TV2 Sumo. Han var den første av dei åtte finalistane som røyk ut.

Han kan likevel notere seg ein fin premie på ca. 11.000 euro, om lag 110.000 kroner.

- Annonse -

Vinnaren av meisterskapen får heile 1,35 millionar kroner i premie.

- Annonse -
- Annonse -

Waage har delteke i fire poker-NM tidlegare. Den beste tidlegare plasseringa var i 2015, då han hamna på ein 29. plass. Stordabuen fortel at han har halde på med poker i 16-17 år.

- Annonse -