Illustrasjonsfoto: Politiet
- Annonse -
- Annonse -
- Annonse -

Mannen hamna i grøfta i Eldøyvegen i 2.30-tida natt til søndag.

– Me fekk beskjed om at ein bil hadde køyrt i grøfta i Eldøyvegen. Det var då ingen personar i bilen då politiet kom til staden, opplyser oppdragsleiar Sølvi Ravndal i Sørvest politidistrikt.

Men føraren, ein stordabu i slutten av 40-åra, hadde ikkje kome langt av stad.

– Politiet møtte ein person på vegen i nærleiken. Han hadde begynt å gå vekk frå staden.

Det vart fort fatta mistanke om promillekøyring, og politiet tok han med til legevakta for blodprøve. Førarkortet hans blei beslaglagt på staden.

– Var han den einaste i bilen?

- Annonse -

– Det er iallfall berre han som vart teken. Om det var fleire bilen vil etterforskinga avdekke, men det var ingen fleire som blei pågripen eller snakka med, seier oppdragsleiaren.

Politiet fekk tips om ulukka frå ein forbipasserande som såg hendinga på avstand.

– Bilen blei henta av bilberging og frakta til bustaden til bileigaren. Så mest sannsynleg har dette vore udramatisk, seier Ravndal.

- Annonse -