Stord Foreningsbingo har haldt til i Sæ i fleire år. Foto: Google
- Annonse -

– Etter nøye vurderingar er vår konklusjon at det ikkje er grunnlag for vidare drift.

Bergen-selskapet Arken Bingo AS har drive Stord Foreningsbingo i Sæ i eit par år, etter å ha overteke drifta frå Norges Handikapforbund.

No har dei innsett at det ikkje er pengar å tene på bingoen på Stord, og har lagt ned drifta.

– Me har dei siste åra hatt svikt og nedgang i omsetnaden. Etter nøye vurderingar er vår konklusjon at det ikkje er grunnlag for vidare drift, skriv dagleg leiar i Arken Bingo AS, Britt Berge.

Siste opningsdag for Stord Foreningsbingo var 24. september.

I tillegg til Stord Foreningsbingo så driv Arken Bingo AS to bingoar i Bergen og eitt i Knarvik.

- Annonse -

Tidlegare eigar av Stord Foreningsbingo, Norges Handikapforbund, sleit også med innteninga på Stord og valde å selje drifta for eit par år sidan.

Det har ikkje lukkast Stord24 å kome i kontakt med dagleg leiar i Arken Bingo AS.

- Annonse -