Statsminister Erna Solberg og konsernsjef i Equinor, Eldar Sætre, er dei store trekkplastera til årets Stordkonferanse. Foto: Statsministerens kontor/Equinor
- Annonse -
- Annonse -
- Annonse -

Arrangørane har fått tak i store namn til konferansen, som i år har 20-årsjubileum.

Stordkonferansen vert i år arrangert for 20. gong, i tillegg til at Kværner har 100 år med industrihistorie som skal markerast.

Dermed vert det slått ekstra på stortromma i juni. Konferansen, som blir avhalden 12. juni, vil få Erna Solberg og Eldar Sætre blant dei som skal gå på talarstolen.

Skal legge ned grunnstein

Det er Stord Næringsråd som har fått statsministeren til Stord, i samarbeid med Kværner. Medan ho er her skal ho også legge ned grunnsteinen for den nye kaien som skal byggast ved Kværner sitt verft.

– I samarbeid med Kværner har me invitert Statsminister Erna Solberg til å leggja
ned grunnsteinen for den nye kaien, og ha opningsforedraget på Stordkonferansen 12.juni. Statsministeren har takka ja til dette! skriv Anne-Grete Sandtorv i Stord Næringsråd.

– Konsernsjef i Equinor, Eldar Sætre har også takka ja til å delta på seremonien med
grunnsteinsnedlegging, og til å ha foredrag på Stordkonferansen.

- Annonse -
- Annonse -
- Annonse -

Stordkonferansen 2019 har fått tema; «Vår styrke, våre verdiar og vår industri».

Svensk professor kjem

Den svenske professoren Göran Roos er også blant dei som er booka til konferansen. Roos er professor innan framtidas innovative og effektive produksjon. Han er kjend for å koble kva som er avgjerande faktorer for eit lands konkurransekraft.

Gøran Roos blei kåra til ein av dei 13 mest innflytelsesrike tenkjarane i det 21. hundreåret av den spanske forretningsjournalen «Direccion y Progreso».

- Annonse -

- Annonse -
- Annonse -