Foto: Lucasfilm Ltd
- Annonse -

Den siste Star Wars-filmen var ikkje ein gong ferdig å gå på Stord kino ved årsskiftet. Likevel vart den mest sett i 2017.

Sjølv etter den niande Star Wars-filmen i rekkja så er det ingen teikn på at folk er lei av konseptet. Filmane fram med å trekkje kinogjengarar i hopetal – også på Stord.

Den nyaste og kritikarroste Star Wars-filmen, The Last Jedi, som hadde verdspremiere på Stord 13. desember, vart nemleg den klart mest sette filmen på Stord i 2017.

I løpet av 20 førestillingar i løpet av årets siste veker har 1762 kinogjengarar fått med seg filmen, noko som gir eit gjennomsnittleg publikum på 88 personar per framsyning.

Framleis står det att tre framsyningar av Star Wars-filmen.

Stor nedgang frå 2016

Ellers på lista over dei mest sette filmane er det mange barnefilmar som dominerer. Korkje den mykje omtalte Snømannen, eller skrekkfilmen Hjemsøkt der stordabu Synnøve Macody Lund har hovudrolla, hamnar på lista over 14 mest sette filmane.

- Annonse -

(sjå lista over dei mest sette filmane i 2017 nedst i saka)

Det samla kinotalet for Stord kino var i fjor på 43.135 besøkande. Det er ein ganske stor nedgang frå 2016, då rett i underkant av 50.000 løyste billett. Det var det beste kinoåret på meir enn ti år.

– Det er imponerande når me tenkjer på at den store salen ofte er oppteken til andre arrangement, særleg i helgane. Det er ingen grunn til å tru at besøket skal gå ned med det første. Film på kino gjev ei heilt anna oppleving enn heime i stova eller på eit brett i fanget, skreiv einingsleiar i kulturhuset, Herdis Belsvik i den siste årsmeldinga til Stord kommune.

Må ha kvalitet

Belsvik meiner kinoane i dag må jobbe hardt for å få besøkande til ta turen på kino, framfor å nytte seg av dei endelause strømme-alternativa i stova.

– Nøkkelen til vidare suksess ligg først og fremst kvalitet på filmane, men også totalopplevinga og ramma rundt. Her må dei lokale kinoane heile tida vera på vakt, slik at kinogjengarane får den kvaliteten dei betalar for, skriv Belsvik.

Stord kino står veldig snart framføre eit stort jubileum. 26. januar fyller kinoen nemleg 80 år i drift, etter oppstarten i 1938.

Dette var dei mest sette kinofilmane på Stord i 2017:

FilmForestillingerBesøk
Star Wars: The Last Jedi201762
Grusomme meg 3331583
Pirates of the Caribbean: Salazar’s Revenge271428
Skjønnheten og udyret241299
Askeladden – I Dovregubbens hall191123
Fifty Shades Darker161083
Vaiana221077
Dyrene i Hakkebakkeskogen391048
Fast & Furious 8121046
Marcus & Martinus – Sammen om drømmen171017
Biler 324922
Den 12. mann8884
IT13874
Ekspedisjon Knerten20858
- Annonse -