Solveig Koløen Birkeland vann prisen for beste kvinelege birolle i Den norske filmfestivalen i Haugesund. Foto: The Berlinale Festival
- Annonse -
- Annonse -
- Annonse -

Solveig Koløen Birkeland (17), som spelte i Erik Poppe sin spelefilm om Utøya-tragedien, er ein av dei nominerte til prisen for beste kvinnelege birolle.

17-åringen frå Stord hadde rolla som eit av ofra i Utøya-massakren i Erik Poppe sin film som hadde premiere i vinter.

No har juryen i filmfestivalen i Haugesund nominert ho til prisen som beste kvinnelege birolle.

– Dette hadde eg ikkje venta. Det kjennes veldig rart. Det kjennes deilig å få ei stadfesting på at eg gjorde ein god jobb. Spesielt sidan det eit så sterkt og vanskeleg tema, seier Solveig til Stord24.

Dei andre som er nominert til prisen er Anne Marit Jacobsen i «Norske byggeklosser» og Kaya Wilkins i filmen «Thelma».

– Eg forventar jo ikkje å vinne, for dei eg konkurrerer med er jo etablerte skodespelarar. Men det er jo uansett veldig kjekt å vere i same kategori som dei.

- Annonse -
- Annonse -

– Korleis var det å spele denne rolla?

- Annonse -

– Det var jo hardt, for me har jo prøvd å gjenskape det som er det verste marerittet til veldig mange ungdommar. Å skulle oppleve det som dei opplevde er jo heilt umogleg. Me kan jo ikkje gjere anna enn å prøve å førestille oss.

Med tanke på det tragiske bakteppet til tematikken i filmen er det med blanda kjensler ho deltek på filmfestivalen i Haugesund 18. august.

– Det blir jo litt rare kjensler å delta på prisutdelinga. For at eg får oppleve dette er det jo samtidig så mange som ikkje fekk oppleve resten av liva sine. Sånn sett er jo det veldig blanda kjensler.

Utøya-filmen er også nominert i prisen som beste film, beste regi, beste filmmanus og beste lyddesign.

- Annonse -