Sofie Torlei Olsen har hatt ei krevjande jobb som festivalsjef på Ekstemsportveko. Foto: Rune Sævig, Bergens Tidende
- Annonse -
- Annonse -
- Annonse -

Sofie Tolei Olsen frå Stord har sendt stafettpinnen vidare etter seks år som festivalsjef for ein av verdas største ekstremsportsfestivalar.

Utøvarar frå heile verda har no reist heim etter at årets Ekstremsportveko på Voss blei ferdig i helga. Festivalen hadde 20-årsjubliuem i år, og i løpet av dei seks siste åra har Sofie Torlei Olsen (34) frå Øklandslio på Stord hatt leiarrolla og jobba fulltid med festivalen.

Men no er eventyret slutt for Olsen på Voss.

– Eg har siste dagen i dag. Det har nok ikkje heilt slått meg heilt for å vere ærleg. Eg er så i modus for å gjennomføre ‘veko, så det kjem sikkert til å gå opp for meg på sikt, fortel ein travel Olsen til Stord24 siste dagen av årets festival.

Sofie Tolei Olsen er svært glad i friluftsliv, men driv ikkje så mykje med ekstremsport sjølv. Foto: privat

Tilfeldig at ho fekk jobben

Det var mest tilfeldigheiter som gjorde at stordabuen enda opp som leiar for det som er ein av dei største ekstremsportsfestivalane i verda.

- Annonse -
- Annonse -

– Eg tok ein master i sports management i Sveits og jobba i det internasjonale skiforbundet. Så blei eg kjend med ein frå Voss og blei tipsa om jobben. Så det var eigentleg veldig tilfeldig.

– Korleis har det vore å ha denne jobben?

– Det har vore ein veldig kjekk reise å vere med på, og det er mange gode ting å sjå tilbake på. Det har vore ekstremt kjekt å jobbe med eit arrangement der dugnadsanden er så sterk. Alle har eit stort engasjement for sportane sine. Og så har det vore veldig givande å utvikle og skape gode opplevingar for andre.

Årets Ekstremsportveko har hatt 1500 utøvarar og 800 frivillige i tillegg til kring 3000 daglege besøkande. At festivalen skulle bli ein så stor suksess og overleve i 20 år var det ifølgje Olsen ikkje så mange som hadde trudd.

– Me har jo jobba med dette i lang tid, og det var vel ingen som trudde at me skulle fylle 20 år, og det har me altså gjort no. Me har markert jubileet både under opninga og i videoar, og så har me hatt ein jubileumsutstilling.

Tragisk dødsulukke

- Annonse -

Olsen vedgår at gjennomføringa av hennar siste festival har blitt prega av at det skjedde ei tragisk dødsulukke under årets festival. Onsdag kveld omkom amerikanaren Micha Couch (32) under eit basehopp. Dagen før deltok han på eit base-arrangement på Ekstremsportveko.

I tillegg skjedde det ei anna basehoppulukke same dag, der ein mann vart alvorleg skada.

– Ulukkene skjedde i eigen regi, og var ikkje med i programmet vårt. Men det er klart at deltakarane var her fordi dei deltok på ‘veko. Det er ei veldig tragisk sak, og me prøvar å gjere vårt beste for å ta vare på dei pårørande og miljøet som var hardast råka.

– Korleis går det inn på deg når slike ting skjer?

– No har jo veko ein veldig god statistikk på Ekstremsportveko. Me opplevde eitt dødsfall i 2012, og så kom det andre i år. Men det er klart at det pregar oss. Ein må jo vere eit medmenneske i ein slik situasjon, og fokusere på dei som treng mest hjelp.

Flåm neste

Etter seks år i sjefstolen på Ekstremsportveko er klar for nye turisteventyr, men av det meir rolege slaget i turistbygda Flåm.

– Eg skal begynne i Flåm og jobbe i marknadsavdelinga. Sjølv om det blir mindre sportsarrangement, så blir det framleis ein utfordrande jobb. Eg likar helst å ha utfordrande jobbar der ein får brynt seg litt.

– Men først skal eg ha ein lang ferie, seier stordabuen.

- Annonse -
- Annonse -
- Annonse -