- Annonse -

Protestane førte ikkje fram, og Stord skattekontor vil vere historie frå og med 1. juli i år.

Det var eit venta utfall at regjeringa ikkje ville redde skattekontoret på Stord. 103 kontor vert i løpet av året redusert til 57, der Stord altså er eitt av kontora som får kroken på døra.

Planen er at dei tilsette ved kontoret på Leirvik vert flytta til skattekontoret i Haugesund frå 1. mars i 2018.

Ordførar Harry Herstad opplyser til Stord24 at kommunen skal ha eit møte allereie i morgon, om korleis å skaffe nye statlege arbeidsplassar til Stord. Herstad opplyser at det er Språkrådet som står øverst på lista over statlege arbeidsplassar.

- Annonse -

Tidlegare i dag melde Stord24 at både Stord næringsråd og Liv Kari Eskeland i Høgre begge jobbar aktivt for å få regjeringa til å vurdere Stord som stad for utflagging av statlege arbeidsplassar.

- Annonse -