Nils Magne Blålid, SV, Foto: Jonas Sætre/Stord24
- Annonse -

Forvaltningsstyret har sagt ja til å handsame søknaden til Stord kristne skule, som må på plass før skulen skal starte opp neste veke.

– Me har sagt at me må ha saka klar frå administrasjonen på måndag for at me skal ha tid til å handsame saka. Då blir det i såfall eit ekstraordinært møte i forvaltningsstyret torsdag kl. 8, seier leiaren for forvaltningsstyret Nils Magne Blålid (SV).

Dermed har forvaltningsstyret sagt ja til bønen frå Stord kristne skule om å hastehandsame søknaden, etter at det var kjend at styreleiar Geir Martin Økland ikkje hadde sendt naudsynt søknad om bruksendring til kommunen.

– Me har sett måndag som ein endeleg frist, då me har sagt at dersom saka skulle kome ein dag før møtet ville det ikkje bli høve til noko diskusjon i gruppene. Det hadde ikkje vore forsvarleg, seier Blålid som ikkje ønskjer å seie noko om kva han trur utfallet vert i sakshandsama.

Kommunalsjef Lovise Vestbøstad stadfestar at kommunen har fått inn alt dei treng til å handsame saka, og at den vil bli sendt til politikarane på måndag.

– Me fekk inn søknaden i går, og me jobbar med den i dag. Då reknar me med at den vil vere klar til måndag. Me har alt me treng for å handsame saka no.

- Annonse -

Dermed vil politikarane seie siste ord på torsdag, berre tre dagar før skulen må vere i drift etter godkjenninga frå utdanningsdepartementet.

- Annonse -