Foto: tipsar
- Annonse -

Tre bilar kolliderte ved Førde i Sveio søndag kveld, og minst ein person skal vere frakta til sjukehus i luftambulanse.

Det var like etter klokka 18 søndag at naudetatane fekk melding om trafikkulukka mellom Haukås og Førde.

– Det er snakk om sju personar som er skada i totalt tre kjørety, seier operasjonsleder Andre Skram Hansen ved Sør-Vest politidistrikt til Haugesunds Avis.

Ifølgje TV2 er ein person medvitslaus etter ulukka og vart frakta i luftambulanse, medan dei seks andre vart frakta til Haugesund sjukehus.

Det var svært store køar etter ulukka, då E39 var stengt i beggje retningar utan høve til omkøyring. Ein av dei som måtte vente i køen var Kristine Hystad frå Stord.

– Me sto i kø iallfall halvannen time. Me kom der halv 7-tida, og klokka var nok kvart over åtte då me køyrte frå Shell.

- Annonse -

Først to timar seinare melder politiet at dei har opna eitt køyrefelt, med manuell dirigering på staden.

- Annonse -