- Annonse -
- Annonse -
- Annonse -

Stord-bandet Familieforetaket lanserte denne helga ein rykande fersk musikkvideo til låten «Horses».

Musikkvideoen er filma på Huglo av utflytta Halsnøybu Oda Hveem. På lerretet finn ein frontfigur i Familieforetaket Cecilie Anna, Marie Biringer, hesten Galdur, og Veslemøy Huglen som stuntkvinne.

– Me har brukt mykje ressursar på dette. Sjølve filminga tok berre ein dag, men redigeringa er jo jobben. Men me har vore eit veldig fint team, og me har jobba fleire i lag om redigeringa. Det har vore eit veldig kjekt prosjekt, med gode krefter involvert, fortel Cecilie Anna Rønhovde

– Kva er det de ønskjer å formidle i denne musikkvideoen?

Marie Bringer og Cecilie Anna hadde tatt fram den raude lauparen under premieren på musikkvideoen i helga. Foto: privat

– Det er ikkje så godt å svare på. Det er jo kjensler som ikkje alltid er så lett å setje ord på. Ofte er det jo det indre kjensleliv som er tema for musikken min. Då blir det litt som å svare på kva sjela er.

Vil ikkje overforklare

- Annonse -
- Annonse -

– Det er jo litt opp til sjåaren å tolke det som ein vil. Eg likar korleis me har fått til balansen med litt handling og samtidig ikkje overforklare kva dette handlar om.

Rønhovde ser på det å lage musikkvideo som eit effektivt verkemiddel for å nå ut til eit større publikum.

- Annonse -

– Det er jo veldig fint å ha noko å vise når me sender mail til folk om spelejobbar. Då er jo ein musikkvideo eit veldig blikkfang. Samtidig høyrer jo folk i dag mykje på musikk på YouTube, og då lyttar ein kanskje på ein annan måte. Det forsterkar jo uttrykket vårt.

Nye plater

Rønhovde avslører i same slengen at bandet er i gang med planlegging av ny plate til neste år.

– No held me på med nytt låtmateriale til plate planlagt utgjeven til neste år. Det blir kjekt! Det går i å oppdage nye utformingar. Eg har jo mange songar liggande, så det det går i er å arrangere dei i lag med bandet og bruke tida på å finne formen.

Om ikkje dette var nok, så kjem Cecilie Anna ut med si første soloplate no i november. Då blir det ein slepp-konsert på Stord. Men først skal ho til Abbey Road studio i London for siste finpuss.

 

- Annonse -

- Annonse -
- Annonse -