Fire masterstudentar frå Rytmisk utdanning på Universitetet i Agder og fiolinist frå Stord vidaregåande skule skal i lag med koret Sanctus framføre "Messe for en såret jord" i Nysæter kyrkje søndag kveld.
- Annonse -

Som vanleg har det rike kulturlivet på Stord mykje å by på denne helga – her bør det vere noko for ein kvar smak.

Stord Jazzklubb vil laurdag presentere ettermiddagskonsert med Stord Musikklag i samarbeid med Breibandet BigBand, som også kjem frå Stord. Konserten skjer på Grand Hotel kl. 15. Breibandet BigBand vil også halde «venners venner-konsert» på Samhald i Nordbygdo, fredag kveld kl. 19.

Laurdag føremiddag er det duka for den internasjonale eldredagen i Stord kulturhus. Her vert det konsert med gitarist Johannes Hellesøy, Leirvik Mannskor og Kjell Aasheim. Det blir også utdeling av seniorprisen med ordførar Gaute Epland, og kåseri med bileteframvisning av Jan Rabben. Arrangementet startar kl. 11.

Levande musikk blir det også laurdag kveld, då Stord-bandet Goldlog skal halde jubileumskonsert på Arena i samband med at dei fyller 15 år som band. Bandet vil i høve jubileet også lansere den nye plata «BLACK». Bandet skriv sjølv at dei vil presentere ein varietet frå diskografien sin og sjølvsagt låtar frå den ferske plata. Ein skal heller ikkje sjå bort ifrå at det vil dukka opp ein og annan gjest denne kvelden. Goldlog vert fronta av Ingjerd og Ian Kolstad. Musikken blir ofte beskriven som alternativ kunst-pop. Konsertstart kl. 20.

For dei som ikkje har lyst å ta ein tidleg kveld på laurdag, kan rusle nedover til Osvald, der Hanseatane Blueslag inntek scenen. Oppskriften til bandet er enkelt og greit: Vi spiller ekte Blues med trøkk! That’s it! Det lokale bandet består av Hans Yddal, Arvid Norhus, Gunnar Engevik og Odd-Arne Bårtvedt. Konsertstart kl. 22.

- Annonse -

Søndag går Stord filmklubb i gang med haustens sesong. Klokka 17.45 på Arena ruller dei i gong den tyske filmen «Min pappa Toni Erdmann». Filmklubben skriv på Facebook-sida si at 6’arane har hagla på terningane for filmen, og ikkje utan grunn. Dagbladet kallar filmen årets film i 2016 og skriv mellom anna: «En genuint morsom, rørende og spennende film som projiserer livet på kinolerretet i all dets komplekse prakt».

- Annonse -
- Annonse -

Søndag kveld blir det ein spennande korkonsert i Nysæter kyrkje. Koret Sanctus presenterer «Messe for en såret jord» saman med band, fiolin og songsolist. Messa blir framført i grenselandet mellom klassisk og rock, og er avslutninga av kyrkjekulturfestivalen KyrkjeLyd. Messa har tekstar av Erik Hillestad og musikk av Ketil Bjørnstad og vart komponert i 1992. Reint musikalsk kan ein seia at dette er crossovermusikk då her er element av både klassisk,pop,rock og jazz i ei messe. Frå roleg Introitus, via spenstig Gloria til eit meir rocka Credo.Til slutt roar det heile seg ned med Velsigninga:»Herre gi jorden fred».

Har me gløymt noko? Send oss eit vink på redaksjonen@stord24.no

- Annonse -