- Annonse -

Skrekkfilmregissøren frå Stord er igjen aktuell med nye grøss. 

Det byrjar så smått å bli ein tradisjon rundt Halloween-tider at Severin Eskeland lagar skrekk-kortfilmar. I haust er det «Heimkomsten» som står for tur.

Kortfilmen vart laga for nokre veker sidan, og vart vist på Tysvær skrekkfest i førre veke.

Regissør Severin Eskeland.

– Planen var at den berre skulle visast der, men filmen blei også vist på festivalen Ramaskrik i Oppdal, seier Eskeland.

Sjå filmen øvst i saka!

Kortfilmen skal også visast i forkant av den siste Halloween-filmen både på Stord og i Fitjar, fortel den produktive filmskakaren.

- Annonse -

– Det er ganske gøy at festivalar vil vise ein film som me har laga på ein kveld.

Eskeleland fortel at kortfilmen er eit slags familieprosjekt. Her spelar både dottera hans Dina, broren og nevøen hans.

– Me er jo litt umpulsive og galne i denne familien så me kastar oss rundt når me vil lage noko kreativt. Så er det jo kjekt å kunne laga litt høgtidelege filmar mellom dei større prosjekta. Det er godt å halde seg varm, seier Eskeland.

Under kan du sjå filmen som Eskeland laga i fjor, «Knask OG knep».

Denne filmen har førebels blitt vist  på festivalar i Norge, Sverige, Danmark, Finland, Spania, Canada og USA, og skal visast på festivalar i komande framtid.

- Annonse -