Selskapet "Norske Tjenester AS" var tidlegare kalt Snikkersvingen AS, og sto bak planane om bygging av daglegvareforretninga Rema 1000 i Sagvåg. No er bygget eigd av Fronta. Foto: Fronta
- Annonse -
- Annonse -
- Annonse -

For andre gong på eit halvår har skatteinnkrevjaren i Stord kommune begjært eit selskap eigd av restaurantdrivaren Tony Sorada konkurs.

Fredag må Tony Sorada møte i Sunnhordland tingrett. Bakgrunnen er at skatteoppkrevjaren i Stord kommune har begjært selskapet Nordiske Tjenester AS konkurs.

Selskapet er eigd i heilskap av Tony Sorada, som inntil nyleg dreiv restauranten Sorada i gamle Fengselet i Leirvik.

Men dette selskapet har ingenting med thairestauranten å gjere. Selskapet vart starta Jørn Kenneth Myhre i 2012, under namnet Snikkersvingen AS. Då med storstilte forretningsplanar i nettopp Snikkersvingen i Sagvåg, med mellom anna legekontor, apotek, og daglegvareforretning, som Myhre fortalde om i Sunnhordland.

Undervegs vart Myhre forretningspartnar med Tony Sorada. Begge vart aksjonærar i selskapet. Dei delte også på eigarskapet i selskapet Twts, som dreiv restauranten Sorada i Fengselet fram til i fjor sommar, før det vart slege konkurs.

Også då var det skatteinnkrevjaren i Stord kommune som begjærte selskapet konkurs.

- Annonse -
- Annonse -

Snikkersvingen AS stifta eit selskap i lag med Fronta som heiter Totalum AS, som bygde opp Rema 1000-butikken. Fronta har no selt Rema 1000-butikken.

Tony Sorada blei involvert i selskapet Snikkersvingen AS i 2017. No er Jørn Kenneth Myhre ute av selskapet, og Sorada eig det aleine.

- Annonse -

– Eg veit ikkje om det blir konkurs på fredag, men det stemmer at me skal i rettsmøte, seier Tony Sorada.

Han opplyser at gjelda til skatteinnkrevjaren er på 125.000 kroner.

Skatteinnkrevjaren i Stord ønskjer ikkje å kommentere saka.

I 2016 var selskapet oppført med 1,2 millionar kroner i eigedeler. Året etter var summen 0,-, som følgje av salet av tomta. I tillegg hadde selskapet pådratt seg 733.000 kroner i gjeld.

- Annonse -
- Annonse -
- Annonse -