Rockabilly-bandet Vossa Rebels er eit av retrobanda som skal spele på årets Fest i Vest-festival.
- Annonse -
- Annonse -
- Annonse -

Bastard, Return og Mikal Wiehe er blant artistane som skal setje preg på årets musikkfestival i Sagvåg.

Ein stolt festivalsjef Ole Johnny Almås er i dag klar for å presentere line-up’en til årets utgåve av Fest i Vest-festivalen i Sagvåg.

Fredag kveld startar med dei gamle travarane i Stord-banda Hogheads og Bite, før rockeheltane i Bastard går på scenen. Kvelden blir avslutta med det store 80-talsrockebandet Return.

– Det blir veldig kult å ha Bastard på ein utescene. Og med Return rett ettepå så har me ein fin rød tråd, seier Almås.

Laurdag er trekkplasteret The Vossa Rebels, som er ein gjeng med unge gutar som har funne si nisjesjanger innan rockabilly-musikk frå 1950-talet. Bandet spelte også å 100 dagar i vinter, og er kjend for mange frå Norske Talenter på TV 2. På laurdagen skal også det lokale bandet Trekantsambandet spele, i tillegg til Matti Røssland frå Husnes.

Konsert i kyrkja

- Annonse -
Mange har eit nært og kjært forhold til svenske Mikal Wiehe.

Nytt i år er at det også vert konsert i Nysæter kyrkje. Søndag skal den svenske visehelten Mikal Wiehe spele i kyrkja. 71-åringen var ein del av Bjørn Afzelius sine faste kompanjongar, og selte i Hoola Bandoola Band.

– Eg hadde sjølv teknisk ansvar då han spelte konsert på Osvald, og då blei eg veldig overraska kor mykje kjende og fine visar han spelte, fortel Almås.

Popup-konsertar

I tillegg til hovudscenen på parkeringsplassen ved gamle Sagvåg senter så vil arrangørane setje opp ein liten scene i gågata mellom pubane i sentrum.

– Her vil det skje litt forskjellig. Me satsar litt på popup-konsertar der målet er at folk skal bli litt overraska.

Fleire tusen deltok på fjorårets Fest i Vest-festival i Sagvåg. Foto: Jonas Sætre/Stord24

Det vert i år som i fjor eit familieprogram med både Vennebyen og sjørøvarskip. Almås er godt nøgd med kva dei har fått til med avgrensa midlar.

– Eg føler me har klart å få veldig bra ut av årets festival, og så får me sjå korleis det blir neste år. Eg har allereie starta planlegginga, fortel den engasjerte eldsjelen frå Sagvåg.

Satsar hardare

Fjorårets festival enda med eit lite overskot. Almås har tru på at dei vil klare å kome på plussida også i år.

– Me er framleis ganske nøkterne, men me satsar hardarde enn me gjorde i fjor. Men klarar me å selje 800-900 billettar totalt i løpet av i helga så er me på rett veg.

- Annonse -