- Annonse -

Veteranbilane skinte om kapp i strålande sommarvêr under det årlege veteranbiltreffet i Leirvik sentrum laurdag.

Det var duka for hyggje, samhald og naturlegvis mykje bilsnakk då over 80 veteranbilar var lina opp på torget og langt oppover Borggata laurdag føremiddag.

– Det er eit arrangement som me har årleg, og i år er me heldige og har veldig flott vêr og har rekordmange bilar, seier arrangør Jan Kristofer Oma.

Oskar Lilleaas er ein av dei som tok turen frå Haugesund med Corvetten sin. Han fortel at det no er høgsesong for veteranbileigarane.

– Det byrja 1. mai med vårtreffet i Stavanger, og så like etter var det treff i Bergen. Så det går i eitt frå mai og utover, då er det alle slags biltreff, seier Lilleaas.

- Annonse -