- Annonse -
- Annonse -
- Annonse -

Onsdag blei prosessplattforma til Johan Sverdrup frakta inn til Kværner Stord, side om side med bustadplattforma. Om ein månad er begge klare for turen mot Nordsjøen.

– Prosessplattforma kom inn i løpet av ettermiddagen/tidleg kveld på onsdag, litt tidlegare enn forventa. No har me begge dei to plattformane inne på Kværner, både bustadkvarteret og prosessplattforma, fortel kommunikasjonssjef for Johan Sverdurp i Equinor, Håkon Nordang.

Rett før helga blei den 139 meter lange prosessplattforma til Johan Sverdrup frakta til Sunnhordlandsbassenget om bord på tungløftefartøyet BOKA Vanguard.

  • Sjå video frå operasjonen øvst i saka.

Siste finpuss før avreise

Tungtløftefartøyet var også i Sunnhordland sommaren for to år sidan, då Aasta Hansteen vart frakta frå Sør-Korea.

– Det som er litt spesielt med Vanguard-tungttransportskipet er at den kan senke seg sjølv ned i havet. Då blir berre lekteren flytande av seg sjølv, og så blei den drege ut av taubåtan og frakta inn mot Kværner, seier Nordang.

Prosessplattforma er her løfta av lunglasteskipet og frakta over på lekter, på veg mot Stord. Foto: Equinor

Det er ikkje lenge dei to gigantane vil ruve på Eldøyane. Allereie om ein månad er dei klare til reisa mot Nordsjøen.

- Annonse -
- Annonse -

– No blir jobben framover å gjere bustadplattforma klar til avreise ut i feltet. Når det gjeld prosessplattfrorma skal Kværner hjelpe med å installere to kranar som er levert av Pallfinger, samt litt anna aktivitet for å førebu uttransporteringa.

Equinor tek sikte på å frakte ut prosessplattforma 15. mars. Då vil plattforma bli frakta ut til Digernessunder, der løftefartøyet «Pioneering Spirit» står klar til å frakte ho til Nordjøen. Etter planen skal det berre gå nokre dagar før Pioneering Spirit kjem tilbake for å frakte med seg bustadplattforma.

- Annonse -

– Me skal sørgje for at me kjem så fort i gang med resten av oppkopling og ferdigstillinga av feltet etter installasjon, for å sikre effektiv og trygg oppstart av produksjon som planlagt i november i år, seier Nordang.

Prosessplattforma til Johan Sverdrup kom til Kværner Stord onsdag ettermiddag. Foto: Equinor

– Spektakulære løft på gang

Kommunikasjonssjef i Kværner, Odd Naustdal, synest det er stas å ha to Sverdrup-plattformar på verftet samtidig, i tillegg til Njord-plattforma.

Odd Naustdal i Kværner. Foto: Sysla

– Det har vel skjedd før at me har tre plattformar på ein gong, då me hadde to H6-riggar og Gjøa-riggar samtidig. Men me synest det er veldig kjekt. Det er mykje spektakulære løft på gang, både på Njord og Johan Sverdrup.

– No ligg prosessplattforma her og skin som eit smykke. Me som likar store marineoperasjonar har mykje underhaldning no for tida. Det merkar me på at me får svært mykje besøk, både bransjefolk og andre.

– Det er vel ekstra stas med så mykje aktivitet når verftet i år fyller 100 år?

– Ja, absolutt. Det hadde ikkje vore det same å feire 100-årsjubilanten med tomme verft og slanke ordrebøker.

Plattforma då ho kom til Sunnhordland før helga. Foto: Samferdselsfoto/Tor Arne Aasen

- Annonse -
- Annonse -
- Annonse -