Stord rådhus. Foto: Stord kommune
- Annonse -
- Annonse -
- Annonse -

Like etter klokka 11 torsdag fekk politiet melding om ein hissig mann utanfor rådhuset i Leirvik.

– Me fekk melding om ein mann som var veldig hissig rett utanfor rådhuset. Han var sint og hadde høg stemmebruk. Me kom til staden og fekk kontakt med personen og kontroll på han, seier operasjonsleiar Jøran Solheim i Sørvest politidistrikt.

Kjenning av politiet

Den 51 år gamle mannen fekk beskjed om at han ikkje får opphalde seg i Leirvik sentrum fram til i morgon.

– Dette er ein person me kjenner veldig godt i bybiletet, og han er no bortvist frå sentrum til klokka 8 i morgon tidleg.

Politiet veit førebels ikkje om han har vore trugande mot tilsette i rådhuset.

– Me har ein patrulje som snakkar med dei som jobbar på kommunehuset. Kva det endar me veit me ikkje. Me får sjå om kommunen ønskjer å politimelde forholdet, seier Solheim.

Krangel på Amfi-senteret

- Annonse -
- Annonse -

Det var ikkje berre utanfor rådhuset at nokon hadde problem med å kontrollere temperamentet torsdag føremiddag. Like før klokka 11 måtte politiet rykke ut til Amfi Stord, etter melding om to personar som barka saman i ein krangel.

Politiet opplyser at den eine personen skal ha oppført seg trugande, men at situasjonen fort roa seg.

- Annonse -

- Annonse -

- Annonse -
- Annonse -