Programleiarar i «Opptur», f.h. Per Vidar Raunholm, 46 år fra Fitjar , 26 år fra Modalen Helen Vassbotten Lervik, 34 år fra Bergen Asle Hella, og Elise Farestveit. Foto: Kjell Jøran Hansen / NRK.
- Annonse -

Laurdag 3. november er det premiere på «Opptur» på NRK P1 – eit morgonprogram med frisk luft, og programleiar er Per Vidar Raunholm frå Fitjar.

Av: Kjetil Rydland, Fitjarposten

– To programleiarpar gler seg til å ta fatt på det nye morgonprogrammet i NRK P1, kvar laurdag og søndag mellom klokken 07.00 og 09.00, fortel redaksjonssjef Eva Berget i NRK Hordaland.

Førstkomande helg er den eine av desse Per Vidar Raunholm frå Fitjar. Med seg har han Elise Farestveit. Helene Vassbotten Lervik og Asle Hella tar over stafettpinnen helga etter.

– Dei gler seg til å vakna opp saman med heile Noreg, og lovar underhaldande gjester og reportasjar, godt radioselskap og masse god musikk til morgonkaffien, skriv Eva Berget.

Frisk luft er sjølve helgekjensla for nordmenn. Derfor blir noko av den rikhaldige arven frå «Friluftsmagasinet» og «Naturens verden» vidareført i ny form. Den nye helgeredaksjonen vil gi mykje plass til natur og friluftsliv. Målet er å gi kunnskap på ein underhaldande måte og inspirera folk til å komma seg ut i helgene.

- Annonse -
- Annonse -
- Annonse -

Helga er også tid for å samlast med familie og venner, diskutera, le og kosa seg. I «Opptur» får radiolyttarane dela sine erfaringar og meiningar, og forteja kva som skjer der dei er.

– Helgetur er noko vi har med oss frå barnsbein av. Det var kjensla av oppdagingsferd. Høge toppar og spektakulær utsikt er gøy, og noko vi skryt av i sosiale medium, men vel
så viktig er dei små turane i nærområdet, seier programleiar Per Vidar Raunholm.

Opptur blir sendt direkte fra NRK Hordaland i Bergen.

Me som kjenner Per Vidar, veit at han er ein morgonfugl, så dette kan bli bra!

- Annonse -