Anders Totland har takka for seg som journalist i Sunnhordland, og er no forfattar på heiltid. Foto: pressefoto
- Annonse -
- Annonse -
- Annonse -

For Anders Totland går det heilt fint å vere trebarnspappa, barnebokforfattar, hobbykokk, bloggar og samtidig pendle til Stord for å jobbe fulltid som journalist.

Det er mange oppturar for Anders Totland om dagen. Nyleg fekk han nynorsk barnelitteraturpris for barneboka «Engel i snøen». Han har fått stipend frå Fritt Ord for å skrive ei barnebok om slavehandel, og saman med kollega i Sunnhordland, Marius Knutsen, er han i full sving med å førebu utgivinga av ein kokebok til hausten.

Men det er slettes ikkje berre bokskriving 30-åringen frå Bømlo held på med når han ikkje er på jobb som journalist i Sunnhordland. Store deler av våren har han vore on the road på forfattarturné, han skriv sin eigen hageblogg frå heimen i Valen, og ikkje minst er han pappa til tre ungar frå tre til åtte år. Heldigvis har han ei svært tålmodig kone.

– For å gjere alle desse tinga må eg ha ein grei partner som går med på at ein oppfører seg sånn. Spesielt når dei siste prosjekta har blitt avslutta eller begynt så har ho teke ein alt for stor del av ansvaret i heimen. Ho er nøkkelen til veldig mykje. Kombinert med at foreldra våre kjem reisande når eg er på turné, så må ein seie at eg har eit godt støttearbeid rundt.

Lite fan av småprat

Ei anna forklaring på den imponerande kapasiteten er greitt å få med seg for dei som har møtt Anders på gata og som lurer på kva slags uhøfleg kar dette er som knapt har tid til å seie hei.

- Annonse -
- Annonse -

– Eg brukar veldig lite tid på ting eg ikkje likar å gjere. Dette innbererer veldig mykje forskjellig som å gå i familieselskap, eller å småprate med folk på butikken. Det gjer eg berre ikkje. Om eg ikkje ser folk eg har lyst å snakke med så går eg vidare, og dersom familieselskapet varar for lenge så går eg heim.

Anders Totlant har vore på mange skulebesøk dei siste månadane. Foto: privat

Men akkurat no har kanskje Totland innsett at døgeret berre har 24 timar, og har tek uløna permisjon i Sunnhordland for å prioritere forfattarprosjekta. Men det er berre for sommaren. 30-åringen er fast bestemt på at han skal ha mange jern i elden.

– Eg har ein tendens til at ting eg gjer som hobby blir til arbeid. Og ein må fullføre og gjere så godt det kan gjerast. Eg leverer ikkje frå meg noko som eg ikkje er nøgd med. Om det inneberer å sitje oppe om nettene før eg skal på jobb i Sunnhordland, så gjer eg det.

Mette-Marit anbefalte boka

Og når anerkjenninga kjem så er det verdt slitet. Årets tildeling av nynorsk barnelitteraturpris var for Anders mest av alt eit stadfesting på at han har gjort ein god jobb.

– For mange forfattarar er det kronene som er viktigast, men eg har jo ein OK jobb. For meg er det mest av alt oppmuntringa og anerkjenninga av å bli sett av nokon som har verkeleg greie på det. På denne lista er det eit frykteleg godt selskap eg har hamna i, og stort sett kremen av forfattarar innan barne- og ungdomssegmentet.

I tillegg til den gjeve prisen fekk han anerkjenning får eit svært høgt hald. Sjølvaste Kronprinsesse Mette-Marit anbefalte nyleg boka hans i ei dobbeltside om boktips i Aftenposten.

– Når ho fortel at ho les boka mi til vår komande tronarving, og sit og grin og hulkar sjølv, så er jo det veldig gøy. Det er jo ikkje alle som har fått kronprinsessa til å grine. Ho er jo beskyttar av bibliotek-Norge og ei viktig røyst for å løfte fram norsk litteratur. For å berre bli nemnt av nokon i den posisjonen er jo utruleg stas.

– Akkurat nå leser jeg en bok for Magnus (prins Sverre Magnus) som handler om en rektor som er helt gal. For Ingrid…

- Annonse -

Posted by Aftenposten Junior on 8. juni 2017

Ville skrive god natt-historie

Det kan tyde på at Totland likar å overlate mykje til tilfeldigheitene. Det var tilfeldig at han, som utdanna kokk, fekk jobb som journalist i Haugesund Avis, og seinare Kvinnheringen og Sunnhordland. Akkurat som det var ganske tilfeldig at han skulle begynne å skrive barnebøker for tre år sidan.

– Det begynte omtrent då me fekk nummer tre. Då foreslo kona mi at me skulle prøve å skrive ei historie i lag til ungane. Men så fekk me ikkje heilt tid, så det enda med at eg gjorde det aleine. Ungane syntes det var veldig kjekt, og i løpet av dei neste 12 månadane hadde eg skrive 12 manus. Alt frå fem minuttar lange historiar og til eit heilt ferdig manus ti ei barnebok. Så det gjekk frå ei god natt-historie til å ha få antatt to bøker på eitt år.

– Det å skrive barnebøker er noko eg ifølgje tilbakemeldingar får til, og noko eg likar.

Sjølv om han no har fått såpass mykje støtte og stipend at han fint kunne klart å leve av forfattaryrket aleine, så er det førebels ikkje aktuelt å slutte i fulltidsjobben i Sunnhordland. Men han er klar på kva det er han set høgast.

– Eg må vel vere ærleg å seie at viss eg måtte valt vekk ein av dei to så hadde eg nok blitt forfattar på fulltid. Eg har vore åtte år i Sunnhordland no, og har vore med på veldig mykje gøy og har hatt ein arbeidsgjevar som lar meg drive eit vekselbruk. Så eg ser ikkje for meg at eg vil slutte med det første. Men eg har ikkje nokre karrieremessige ambisjonar som journalist, eg har ikkje lyst å bli sjef eller mellomleiar og eg har ikkje lyst å flytte på meg. Nett no er det kjekkare å ha to inntekter enn ein inntekt.

Anders Totland er eigentleg utdanna kokk, og skal no bruke matkunnskapen til å lage ein kokebok, foto: pressefoto

Folkeleg kokebok

Til hausten er det klart for lansering av kokeboka «Digg», som han lagar saman med fotografen Marius Knutsen. Sjølv om han vedgår at det er ei overflod av kokebøker på marknaden, trur han Digg vil merke seg ut som noko litt annleis.

– Me meiner sjølv det finst nok kokebøker, men at vår kan vere verdt å gi ut grunna tilnærminga vår til mat. Dei som les boka skal kunne lage mat som ser likt ut som det som er på bileta, og dei skala få tak i råvarene i nærbutikken. Det skal ikkje vere matporno, men ein folkeleg tilnærming til det å lage mat.

Ideen starta med ei matspalte i Sunnhordland. Totland blir stadig meir rutinert med å gjere idear om til handling, mykje takka vere tida han har til søknadsskriving og sjølvpromotering på einsame hotellkveldar når han er på forfattarturné.

– Når du reiser rundt på skular og bur på avsidesliggjande krokar så har eg mange kveldar der eg uansett ikkje får gjort noko nytte for meg heime, så då brukar eg tida veldig godt slik at eg får best mogleg tid til å vere pappa og partnar når eg er heime.

For noko avslapping, det unner ikkje Totland seg, sjølv ikkje på turné.

– Eg har enno ikkje slått på TV’en på eit einaste hotellrom eg har vore på.

- Annonse -