- Annonse -

Byggevaredelen av Coop-butikken på Heiane Storsenter skal omprofilerast til Obs Bygg, men daglegvarebutikken forblir Extra.

Nyleg dukka det opp ei jobbannonse opp på Finn.no, der Coop ser etter butikksjef til ein ny Obs-butikk som skal opnast i mai. Men i praksis er det ikkje snakk om ein ny butikk, men ein omprofilering av dagens varehus på Heiane Storsenter.

– I heile Norge omprofilerer me Coop Extra Bygg-butikkane til Obs Bygg. I samband med dette søkjer me ny butikksjef på Stord, fortel regionsdirektør Trygve Vikse i Coop Sørvest.

Held fram som Extra

Men daglegvarehandelen vil halde fram som Extra-butikk, og vil bli ein seperat butikk frå frå byggevarehandelen.

– Me kjem til å lage eit tydelegare skilje mellom Extra-butikken og Obs-butikken, med eigne kassar.

– De har ikkje vurdert å gjere om heile butikken om til Obs?

- Annonse -

– Sjølv om butikken på Heiane går veldig godt, så er nok Obs endå større i areal, og har større krav til marknadsområder. Butikken er nok fysisk for liten i forhold til slik den er no.

Satsar på Stord

Coop skal også opne ein Extra-butikk i den nedlagte Meny-butikken på Amfi-sentert i april. Den vil vere ganske lik butikken på Heiane, og til mange sin skuffelse vil det heller ikkje her vere ferskvaredisk.

– Butikken vil bli litt mindre i areal, men i utgangspunktet så vil ein finne det samme utvalet. Det vil ikkje bli ein tradisjonell ferskvaredisk, men me har eit stort utval på sjølvbetjente ferskvarer.

Vikse seier at Stord blir ein viktig marknad for Coop framover.

– Det skjer ein del for oss på Stord for tida. Stord er ein viktig marknad for oss, og det å etablere oss med ein ny daglegvarebutikk og omprofilering er jo ein stor økonomisk satsing for oss. Det gjer me jo fordi me har god tru på Stord.

- Annonse -