Lokallaget til AUF består av (f.v.) Tiril Kehr, Cecilie Arnevik Sæbø, leiar Ulvar Akselsen og Ole Petter Stokken Olsen. Femtemann er ikkje med på biletet. Foto: AUF Stord
- Annonse -
- Annonse -
- Annonse -

Etter to år i dvale har AUF sitt lokallag på Stord vakna til liv.

Førre veke vart det blåst nytt liv i det som no blir det tredje aktive ungdomspartiet på Stord. AUF Stord har vore i dvale i eit par år, men er no klare for å gjere seg synlege i Stord-samfunnet.

– Eg ​​føler​​ eg ​​kan ​​snakke ​​for ​​alle ​​​​Stord​ ​AUF​ ​når ​​eg ​​seier​ ​at ​​me ​​er ​​med​​ i​​ AUF ​​for å​​ forandre ​​lokalsamfunnet ​​og​​ påvirke​​ politikken ​​​​lokalt,​​ regionalt​​ og​​ på landsbasis, seier leiaren for ungdomsrådet, Ulvar Akselsen (15) som også er engasjert i Ungdomsrådet på Stord.

Vil bli fleire

Dei fem medlemmene som er med i startfasen skal no prøve å bli større, og det manglar ikkje på aktuelle politiske saker som dei kan engasjere seg i.

– No i startfasen er me i AUF veldig gira på å prøve og verve nye medlemmar. Ei sak som engasjerer mange akkurat no er dei nye bussrutene og saka om skuleskyss som er oppe til diskusjon no.

- Annonse -
- Annonse -

Lokallagsleiaren er trygg på at ungdomspartiet denne gongen er kome for å bli på Stord.

– Sidan me er i oppstartsfasen akkurat no så tenkjer me å vise oss fram og vise at Stord AUF er tilbake, og denne gongen for godt, seier Akselsen, som for øvrig er son til tidlegare olje- og energiminister Olav Akselsen frå Stord.

Tredje ungdomspartiet

- Annonse -

AUF Stord består førebels av fem medlemmer. Ulvar Akselsen (leiar), Cecilie Arnevik Sæbø (nestleiar), Tiril Kehr (sekretær), Ole Petter Stokken Olsen (styremedlem) og Adam Bathatho (styremedlem).

Lokallaget blei formelt stifta i førre veke, då dei hadde besøk av fylkessekretæren i AUF og nokre medlemmar frå Bergen AUF på eit oppstartsmøte.

Tidlegare i år vart det også blåst liv i Unge Høgre på Stord. Frå før har Sosialistisk Ungdom hatt lokallag på Stord i fleire år.

Stord AUF har endeleg stått opp ifrå dei daude og er no i gong igjen! Etter to innaktive år har me endelig fått igong noko sprell óg oppretta eit nytt styre☄

Posted by Stord AUF on 20. oktober 2017

- Annonse -
- Annonse -
- Annonse -