Mannen blei kasta av Kystbussen. Foto: Kystbussen
- Annonse -
- Annonse -
- Annonse -

Kystbussen startar opp med ekspressavgangar i helgene der Heiane på Stord skal vere den einaste stoppestaden mellom Bergen og Stavanger.

Busselskapet ønskjer å tilby nye ekpressavganger i helgene som skal ta like lang tid mellom Bergen og Stavanger som ein vanleg personbil, melder Kystbussen sjølv på Facebook.

Som eit resultat av dette droppar Kystbussen stopp på Haugalandet på desse avgangane, og bussen vil heller ikkje stoppe i Leirvik sentrum slik vanleg praksis er. Den einaste stoppestaden mellom Bergen og Stavanger vil bli på Heiane.

Den nye ekspressruta vil i starte 11. august, og det er snakk om to avganger fredager og søndager.

Dei vanlege stoppestadane, som i Aksdal, vert ifølgje Kystbussen kutta fordi det tek for lang tid å stoppe der.

– Hovudpoenget vårt er å prøve å nå så mange potensielle passasjerar på vegen utan at det går på bekostning av reisetid. Når me skal rekkje to ferjer i tillegg, så legg dette avgrensingar på kor mange stadar me kan stoppe, fortel produktsjef i Kystbussen, Sven Helge Hauge til Haugesunds Avis.

- Annonse -