Foto: Skyss
- Annonse -
- Annonse -
- Annonse -

Fylkestinget i Hordaland bestemte i dag at du berre skal sleppe unna med minstetakst når du tek buss i Stord, Fitjar, Bømlo og Sveio.

Mange har i lang tid irritert seg over takstsonene, og spesielt på Stord har mange vanskar med å forstå kvifor ein i Sagvåg skal betale ein dyrare bussbillett om ein skal til Leirvik, enn om ein til dømes bur på Litlabø.

No vert det snart slutt på frustrasjonane. Hordaland fylkesting bestemte nemleg i dag at takstsonene i fylket frå 2018 vil bli redusert til 470 til sju. Det betyr éi felles takstsone for Stord, Fitjar, Bømlo og Sveio. Det var Sunnhordland som først skreiv om saka.

Reisande mellom Bømlo og Stord må i dag innom åtte takstsoner, men kan om kort tid reise i ei sone og sleppa unna med minstetakst.

- Annonse -

– Med det nye systemet vil det gå an å reisa lengre og meir variert for same prisen, seier Geir Angeltveit til avisa.

Han representerer Venstre i fylkestinget, og har vore ein av pådrivarane for å endre takstsonene til Skyss.

Slik vil dei nye takstsonene bli sjåande ut.
- Annonse -

- Annonse -
- Annonse -