Mannen blei funnen død utanfor Onartun på Tysnes. Illustrasjonsfoto: Onartun
- Annonse -

Ein mann blei funnen død i Onarheim i morgontimane 2. juledag.

Det var klokka 06.55 at politiet fekk inn melding frå nokon som hadde funne ein medvitslaus person på bakken utanfor ein bygning i Onarheim på Tysnes.

– Naudetatane rykka ut til staden og det blei iverksett førstehjelp, men mannen blei etter kort tid erklært død på staden, opplyser operasjonsleiar Knut Dahl-Michelsen i Vest politidistrikt i ei pressemelding.

Han opplyser at politiet førebels veit lite om omstenda bak dødsfallet, men at det er starta etterforsking på staden.

– Me er ikkje sikre på om det har skjedd noko kriminelt, seier operasjonsleiaren.

Bladet Tysnes opplyser at mannen vart funnen utanfor Onartun, som er eit kombinert leilegheits- og næringsbygg i Onarheim.

- Annonse -

Politiet er i ferd med å varsle pårørande.

Saka vert oppdatert.

- Annonse -
Forrige artikkel– Han var ein person som torde å leve, men det kosta han også livet
Neste artikkelArve «Ice Dale» Isdal er klar for to nye plater: – Fritid, kva er det?
Jonas Sætre er redaktør og journalist i Stord24. – jonas@stord24.no