Foto: Wärtsilä
- Annonse -

Wärtsilä fullførte nyleg installasjonen som vil gjere Eidesvik-skipet «Viking Princess» til verdas første første offshorefartøy som erstattar motor med batteri.

«Viking Princess» vart denne veka levert tilbake til Eidesvik Offshore, med eit heilt nytt batterissystem om bord.

Det norske skipet er nå det første offshorefartøyet i verda der batteriar har redusert talet på hovedmotorar ombord.

Tilsvarande hybridbilar

Skiper køyrer no med ein kombinasjon av ei batteripakke for energilagring, og tre LNG-drivne Wärtsilä-motorar. Den nye løysinga gjev nok energi til å dekka toppane i forbruket av energi, noko igjen som resulterer i ein meir stabil belastning på motorane.

Den nye løysinga for energilagring vil forbetra effektiviteten til motoren, noko som gjev reduksjon av klimautslepp og innsparing av drivstoff, skriv Wärtsilä i ei pressemelding.

- Annonse -
- Annonse -

Teknologien vert samanlikna med den ein finn i hybridbilar, ved at den forhindrar motoreffekten frå å synka og bruker kraftoverskuddet til å lada batteriene på nytt.

Eidesvik-skipet Viking Princess. Foto: Wärtsilä

Særs framtidsretta

- Annonse -

– Dette er ei særs framtidsretta løysing, og me gratulerer Eidesvik Offshore med å vere framsynte nok til å verdsetta fordelane som det hybride energisystemet tilbyr. Suksessen i dette prosjektet vil påverka fremtida for heile shippingindustrien, seier Sindre Utne, Manager Projects and Operations, Wärtsilä Norway.

Eidesvik og Wärtsilä sitt partnarskap går tilbake til 2003, då skipet «Viking Energy» vart det første forsyningsskipet i verda.

Nok ein «verdas første»

– I fellesskap introduserer me no nok ein «verdas første», når «Viking Princess» er det første offshorefartøyet der batteri reduserer talet på motorar om bord. Me er takknemlege for at Wärtsilä gir oss teknologien og kunnskapen som gjer dette mogleg, seier Vermund Hjelland, President Technical Department, Eidesvik Offshore.

Wärtsilä fekk jobben med å erstatta éin av dei fire motorane på «Viking Princess» med batteri i mai i år. Det ombygde fartøyet blei overlevert til Eidesvik Offshore den 9. oktober.

Batterisystemet om bord på Viking Princess. Foto: Wärtsilä