Marit Tislevoll Odland har fått tunge verv i Stord arbeidarparti. Foto: Stord Ap
- Annonse -

Søkjer fritak frå vervet som medlem av næring, miljø og kultur-komiteen.

Marit Tislevoll Odland var på 10. plass i kommunevalet for to år sidan. No har ho meir enn nok å gjere som gruppeleiar for Stord Arbeidarparti og som medlem av Formannskapet, og søkjer difor fritak for komitéarbeid.

Odland har sendt eit brev til Stord kommune der ho ber om fritak for vervet som komitémedlem i komité for næring, miljø og kultur.

– Eg ønskjer fritak frå NMK-komiteen ut perioden 2015-2019. Grunnen er at eg har fått andre værv i Ap-gruppa i denne perioden. Håpar dette vert innvilga snarast, skriv Odland.

Sp-politikaren Kristine Lepsøy Hansen søkjer også om fritak frå næring, miljø og kultur-komiteen, då ho har flytta til Bergen. Dermed må det veljast to nye representantar til denne komiteen.

Det var etter at Gaute Epland blei vald til ordførar i juni at Odland blei vald som Arbeidarpartiet sin nye representant i formannskapet.

- Annonse -

I tillegg til Odland er også Lene Pilskog og ordførar Gaute Epland medlem av formannskapet for Arbeidarpartiet.