Illustrasjonsfoto: Politiet
- Annonse -

Frakta til legevakta med stikkskader. 

Klokka 04 natt til søndag blei politiet varsla om at ein mann hadde blitt knivstukken av ei kvinne.

Hendinga skjedde i samband med ein fest i ein bustad i Sagvåg, der det var fleire folk på staden.

– No snakkar me med dei som var på staden. Det var 5-6 andre der, men me veit ikkje om andre har sett sjølve hendinga, seier operasjonsleiar Brit Randulff i politiet til Stord24 i 06-tida.

Då politiet og ambulanse kom til staden var mannen ved medvit, og han fekk behandling av helsepersonell.

Han vart brakt vidare til legevakta med stikkskader.

- Annonse -
- Annonse -

– Han har fått stikkskader i hender og moglegens andre stadar. Eg veit ikkje omfanget av skadene, men han er iallfall ikkje kritisk skadd. Han kunne gå sjølv.

- Annonse -

Randulff ønskjer ikkje opplyse om alder på dei involverte, men omtalar både offeret og den sikta kvinna som «vaksne folk».

– Eg kan heller ikkje seie noko om relasjonen mellom dei to.

Politiet væpna seg før dei kom til staden.

Gjerningspersonen er arrestert av politiet og avhøyrt på staden.

– Ho vil nok etter kvart bli frakta til Haugesund og bli framstilt for varetektsfengsling.