- Annonse -

Den 24 år gamle mannen som vart slått ned er framleis innlagt på Haukeland sjukehus med alvorlege skadar.

Det var natt til søndag at ein 24 år gammal mann blei brutalt slått ned i Bremnes sentrum på Bømlo.

Mannen vart frakta til Stord sjukehus med alvorlege skadar, og søndag føremiddag vart han flytta til Haukeland sjukehus. Siste melding frå Helse Vest er at han framleis er alvorleg skadd.

Politiet var snare med å arrestere ein mann i 20-åra som dei meinte sto bak valden. No har han blitt avhøyrt, og ifølgje Bømlo-Nytt har mannen no status som sikta.

– Slik eg forstår det blir han ikkje framstilt for varetektsfengsling. Han vil bli lauslaten når me er ferdige med avhøyr, seier lensmann i Stord lensmannsdistrikt, Roald Raunholm til avisa.

- Annonse -

Lensmannen opplyser at fornærma er utanfor livsfare, men skildrar framleis både skadene og valden som alvorleg.

- Annonse -
- Annonse -

– Det er klart at dette er ei svært alvorleg sak. Dei første meldingane som kom inn var dramatiske. Det er snakk om massiv vald, seier Raunholm til Bømlo-Nytt.

Både sikta og fornærma skal vere frå eit land i Baltikum.

- Annonse -