Illustrasjonsfoto: Politiet
- Annonse -

Ein mann i 20-åra er innlagd på Stord sjukehus med alvorlege skader etter å ha blitt slått ned på Bremnes natt til søndag.

Det var i 2.20-tida natt til søndag at politiet fekk melding om valdsepisoden, som skjedde utanfor Pizzabakaren i Bremnes sentrum.

Ifølgje politiet har dei førebels ikkje full oversikt over kva som skjedde i forkant av valdepisoden.

– Me etterforskar framleis saka. Me ønskjer å kome i kontakt med vitne som har sett dette slik at me får ein betre oversikt over kva som skjedde, seier operasjonsleiar Tore Fløysand Jensen i Sør-Vest politidistrikt.

Mannen i 20-åra som vart utsett for valdshandlinga var alvorleg skadd og medvitslaus då politiet kom til staden. Politiet veit ikkje noko meir om tilstanden hans.

– Me har ikkje noko feire opplysningar enn at han var alvorleg skadd og medvitslaus. Politiet har difor ikkje hatt høve til å snakke med han.

- Annonse -
- Annonse -

Helse Fonna opplyser søndag føremiddag at mannen er flytta frå Stord sjukehus til Haukeland sjukehus.

- Annonse -

Politiet har pågripe ein mann i samband med valdsepisoden.

– Me har pågripe ein mistenkt og sett han i arrest. Han vil bli avhøyrt i løpet av dagen, seier Fløysand.

Politiet er veldig interessert i å kome i kontakt med dei som har vore i det aktuelle området i natt,

– Dersom det er folk i området som har sett noko mellom klokka 1.30 og 3.00 så er me interessert i å kome i kontakt med dei.

Politet kan nås på telefon 02800.

- Annonse -