Illustrasjonsfoto: Politiet
- Annonse -

Brannvesenet og politiet måtte rykke ut på morgonkvisten etter at fleire bosdunkar vart sett fyr på.

Det var i 4-tida i natt at politi og brannvesen rykte ut til Ås ved Leirvik, etter at ein forbipasserande fekk auge på brann i ein bosdunk. Då naudetatane kom til staden fann dei ut at det var snakk om fleire brannar.

– Det var fleire eldpåsettelsar i eit avgrensa geografisk område ved Ås rundt klokka 4 i natt. Politiet søkte etter gjerningsmannen utan hell. No vil sakene bli etterforska vidare av Stord lensmannskontor for å identifisere gjerningsmannen, seier Tore Frøyland Jensen ved Sør-Vest politidistrikt.

Jensen understreker at politiet ikkje tek lett på brannstiftarar som reker rundt på nattestid.

– Viss me har ein som går rundt og tenner på ting så vil me jo ha ein slutt på det. Slik sett tek politiet dette alvorleg.

Politiet fortel at den første brannen vart meldt av ein innringar som gjekk forbi, og dei andre brannane var oppdaga av politiet eller brannvesenet då dei var i området.

- Annonse -
- Annonse -
- Annonse -

- Annonse -