Alle leikene på Ringo-butikken på Amfi-senteret er rydda vekk. Foto: Jonas Sætre/Stord24
- Annonse -

Skal du handle leiketøy til ungane til jul? Då er du nøydt til å dra til Heiane.

Den einaste lekebutikken i Leirvik sentrum, Ringo på Amfi-senteret, er gått konkurs. Dermed er det ikkje lenger nokon leikebutikk igjen i Leirvik.

– Du klarar ikkje lenger å overleve berre på leker. Eg trur du må ha fleire bein å stå på. Det blir vanskeleg å handtere ei skyhøg husleige og høge lønsutgifter når det du sel mest er leikeslim til 50 kroner, seier dagleg leiar Monika Tufteland.

Teknologi

Tufteland trur også leikevanane til ungar i dag har forandra seg ein del.

– Ungane leiker ikkje like mykje lenger. Det har vel mykje å gjere med all teknologien.

- Annonse -
- Annonse -

Ho overtok lekebutikken i 2013, og klarte å halde hovudet over vatnet dei første åra. Men i 2016 gjekk selskapet på ein smell med eit minusresultat før skatt på 777.000 kroner. Omsetnaden hadde falle frå 5,5 millionar kroner til 4,8 millionar kroner.

Mange sel leiketøy

- Annonse -

Sjølv om lekebutikken har vore den einaste på Leirvik peiker Tufteland på at likevel har fått hard konkurranse på mange frontar.

– Det er så mange andre som sel leiketøy i dag, som Spar Kjøp, Nille og Coop. I tillegg kjem konkurransen frå internett. Me klarte rett og slett ikkje å overleve på berre å selje leiketøy.

– Kva skal du til med no?

– Nei, det er det siste eg skal tenkje på no. No skal eg unne meg ein god juleferie.

I følgje senterleiaren er det Norli som no skal flytte opp i lokalet i 3. etasje. Her får dei meir plass, og vil dermed også selje leikar i eit nytt konsept. Det er ikkje klart kven som skal overta Norli sine butikklokale i 1. etasje.