Eit køyrefelt er stengt like nord for tunnelen ved Jektavik.
SISTE: Klokka 07:36 melder politiet at lastebilen vert berga.
– Når dette går føre seg blir det omkøyring via Fitjar. Arbeidet tek om lag ein time.
Klokka 05:34 fredag morgon meldte politiet på Twitter at ein lastebil har køyrt i autovernet, rett før tunnelen i retning Leirvik.
– Ingen personar er skadd. Eit køyrefelt er stengt. Skal vere veldig glatt på staden. Bergingsbil er på veg, skriv Politiet i Sør-Vest.
I 06:30-tida venter lastebilen framleis på bergingsbil.
– Dei må ha ein såkalla tungberger. Akkurat no har vi ingen patrulje på staden, vi måtte ta eit anna oppdrag, fortel Sølvi Ravndal ved operasjonssentralen i Sør-Vest politidistrikt
– Viss det ikkje er patrulje på staden, er det då ingen dirigering av trafikk?
– Då vi forlot staden var det to RISA-biler med blinkande lys. Vi skal sende bil opp når bergingsbilen er på plass.
Det er ikkje oppretta sak.
Ein person har kommentert politiet sin Twitter-melding og skriv at lastebilen «står stygt til». Ifølgje vedkomande skal det vere nordgåande felt som er stengt.
– Politiet er på veg for å dirigere trafikken, står det i ein oppdatering frå politiet klokka 06:59.
Saka vert oppdatert
