Lars Solberg meiner sunnhordlandpolitikarane var for naive då kampen sto om representasjon i nye Vestland. Foto: Camilla Aadland/Sysla.no
- Annonse -

Den tidlegare administrerande direktøren i Apply Leirvik blir styreleiar i lobbyselskapet Hordfast AS.

Selskapet er eigd av NHO Hordaland, og har som mål å få oppstart av Hordfast i 2021. No er ny styresamansetning bestemt, der Lars Solberg går inn som styreleiar. Han var tidlegare administrerande direktør i Apply Leirvik.

Til hausten blir Øyvind Halleraker dagleg leiar i selskapet, etter at han gir seg som stortingsrepresentant for Høgre.

Styrevervet blei offentleggjort under bedriftsbesøk på Wärtsilä på Heiane i regi av NHO Hordaland.

Regiondirektør i NHO Hordaland, Tom Knudsen nytta høve til å understreke kor viktig Hordfast og E39 er for organisasjonen, og fortalde kor negativt mottakinga var då fungerande fylkesordførar Pål Kårbø (Krf) i vår sa at han ville nedprioritere Hordfast.

– Svært, svært uheldig

- Annonse -

– Me likte svært dårleg at Kårbø kom med dette utspelet. Det blei svært, svært uheldig for oss. Eg trur ikkje eg har fått så mange negative tilbakemeldingar frå bedriftar som eg fekk etter dette selskapet.

Utspelet førte til at NHO braut samarbeidet med fylkeskommunen.

– Eg kan ikkje hugse at me har brote eit slikt samarbeid tidlegare, men det syner kor alvorleg me syntes det var at ein av aktørane i trepartssamarbeidet valde å kome med eit slikt utspel, seier Knudsen.

Direktør i Wärtsilä Norway, Sveinung Hansen var også tydeleg på at han forventar at ikkje ny E39 og Hordfast blir sendt nedover på prioriteringslista.

– Me forventar at det blir oppstart av Hordfast i første planperiode som er mellom 2018 og 2014, sa Hansen.

- Annonse -