Illustrasjonsfoto: Politiet
- Annonse -

Like etter klokka 10 tysdag melder Politiet i Sør-Vest at naudetatane har rykka ut til eit trafikkuhell på Fitjarvegen.

– Det er ein bil som er involvert. Bilen har køyrd ut i ein sving. Førar, ein dame i 20-åra, har opplyst at ho er uskadd, skriv politiet på Twitter.

Ifølgje ein oppdatering klokka 10:13 har bilen skadar i fronten og bilberging pågår. Føraren er køyrd til legevakta for sjekk.

Operasjonsleiar Rune Tallaksen opplysar at politiet fekk melding om ulukka like før klokka 10.

– Kva kan du seie om dei trafikale forholda på staden?

– Eg har ikkje fått melding om at det har vore nokre problem. Politiet har akkurat reist frå staden, så eg reknar med at trafikken flyt greitt, seier operasjonsleiaren.

- Annonse -

– Kan du seie noko om årsaka til uhellet?

– Det kjenner eg ikkje til. Eg har forstått at det er snø, om det er ein årsak vert rein spekulasjon frå mi side. Ulukka har skjedd i ein sving, så det er nærliggjande å tru at det kanskje har ein årsak. Det skal visst vere veldig glatt på staden.

Tallaksen kan ikkje på noverande tidspunkt svare for om politiet opprettar sak på forholdet.