I denne badstova ved ein isolert gard i Sveio har to menn blitt funne omkomne med eitt års mellomrom. Foto: Jonas Sætre/Stord24
- Annonse -

Kvinna som bur på garden der to menn blei funne døde i ein badstove med eitt års mellomrom er no drapsmistenkt i samband med eitt av dødsfalla.

Stord24 møtte kvinna på garden tidlegare denne veka, der ho snakka ut om dei spesielle hendingane. Då hadde no status som mistenkt i tilknyting til saka.

No er det klart at mistanken gjeld drap. Det stadfestar advokat Patrick Lundevall-Unger overfor NRK torsdag.

Advokaten opplyser til BT at mistanken har samanheng med DNA-bevis som politiet har funne. Politiet skal ha funne kvinna sitt DNA under neglene til den mannlege vennen som døydde i badstova i juli 2017.

– Ja, det gjeld drap. Dei meiner ho har gjort noko i den badstova. Og den teorien må basere seg på DNA-bevisa dei har funne, seier Lundevall-Unger til avisa.

I følgje forvararen sit politiet med heile 900 sider med dokument i tilknyting til saka.

- Annonse -

Forsvararen meiner DNA-sporet ikkje er nok til å bevise eit eventuelt drap, og opplyser at kvinna og mannen var meir enn berre vener, og at dette er forklaringa på at politiet fann DNA-spora.

– Kvinna og vennen hadde fysisk kontakt berre nokre dagar før han blei funnen død, seier forsvararen.

I følgje VG viser obduksjonsrapporten at begge mennene døydde av kolosforgiftning.

- Annonse -