Illustrasjonsfoto: Politiet
- Annonse -
- Annonse -
- Annonse -

Natt til søndag måtte politiet ta hand om to kvinner på 18 og 19 år som hadde barka saman i eit slagsmål på ein fest i Nordbygdo.

Det var i 01-tida natt til søndag at politiet rykte ut til ein adresse i Nordbygdo på Stord, etter melding om slagsmål på ein fest.

Då politiet kom til staden hadde situasjon roa seg, men ei ung kvinne hadde blitt skadd i slagsmålet.

– Skadd på overkroppen

– Ein person vart teken hand om av helsevesenet etter mogleg knekt ribbein. Ho var blitt skadd på overkroppen, fortel Jostein Reiestad, operasjonsleiar i Sørvest politidistrikt.

Kvinna som vart skadd er 19 år gammal, og blei henta av ambulanse.

Politiet har ein klar formeining om kven som var involvert i valdshandlingane.

- Annonse -

– Ei kvinne på 18 år var involvert i forholdet, og blei bortvist frå staden av politiet.

Vil politimelde saka

Politiet fortel at det var minst to andre involvert i slagsmålet. Det er snakk om to unge menn på rundt den same alderen.

– Det har vore mange til stades på festen, og det har blitt teken personalia på fleire. Saka vil no bli følgt opp. Den fornærma har gitt signalar om at ho vil politimelde forholdet på måndag, seier Reierstad.

- Annonse -