Dette bustadhuset på Litlabø vart totalskadd etter ein brann om natta i januar i år. Foto: tipsar
- Annonse -

Røykvarslardagen i dag: Brannvesenet rykte ut til 69 nattbrannar i Hordaland i fjor.

Av: Kjetil Vasby Bruarøy, Midtsiden

Søndag 1. desember er det ikkje berre tid for å fyra i første advendtslys, det er inngangen på årets to mest brannfarlege månadar, og datoen 1. desember er «røykvarslardagen».

– Det er tid for å skifta batteri i røykvarslarane dine, og å testa dei. Sjekk at alle høyrer varslaren godt frå eige soverom, også med døra igjen, seier branninspektør Martin Østgulen Svendsen frå Os brann- og redningsvesen til Midtsiden.

I 2018 rykte brannvesenet i Hordaland ut til 69 bustadbrannar som starta mellom klokka 23 og 07 om morgonen.

– Når det brenn kan kvart sekund vera avgjerande. Ein overlever ikkje lenge i ein bustad fylt med røyk, og når du søv er du heilt avhengig av varsling for å ha sjanse til å redda deg sjølv og andre, seier feiarmeister i Os,  Jan Olav Birkeland.

- Annonse -

Desember og januar er mest brannfarlege. Vi fyrer meir i omn og peis, bruker meir elektrisitet, tenner fleire lys og drikk meir alkohol.

roykvarslerdagen.no finn du nyttig informasjon om tiltak som betrar branntryggleiken heime hos deg.

- Annonse -