Kværner Verdal er i full sving med arbeidet med stålunderstellet til Johan Sverdrup-plattforma. Men neste sommar er det slutt på arbeidet. Foto: Kværner
- Annonse -

Skal bygge støttestruktur for Yme-prosjektet for Repsol Norge AS.

Kontrakten, som blei tildelt i dag, har ein verdi på om lag 70 millionar kroner, melder Kværner i ei pressemelding.

Det er snakk om ein fabrikasjonskontrak, der Kværner sitt ansvar vil bestå av innkjøp av materiale og bygging av ein 38 meter høge og 1300 tonn tunge støttestrukturen til Yme-prosjektet.

Arbeidet som går på innkjøp og planlegging startar umiddelbart, medan fabrikasjonen i Verdal vil starte i januar 2018. Arbeidet vil halde fram til juni neste år.

Kontrakten vil halde rundt 60-70 tilsette i arbeid i byggeperioden. Det vil seie om lag ti prosent av 766 tilsette verd verftet.

– Dette er ein viktig kontrakt for verftet i Verdal, som kapasitetsmessig passar godt inn med bygginga av understella til Johan Sverdrup og dei fire blisterane til Njord som skal leverast neste år, seier konserndirektør for strukturelle løysingar i Kværner, Sturla Magnus.

- Annonse -

Tidlegare i haust var det kjend at situasjonen ved verftet i Verdal var kritisk grunna manglande kontraktar til neste år.

– Me er avhengige av å skaffe oss nye kontraktar før jul skal me ha noko å gjere til våren og sommaren 2018, sa Sturla Magnus til Trønderavisa.

- Annonse -