Arnfinn Haga (82) har fått sin andre høgthengande medalje. Foto: Kjetil Vasby Bruarøy/Midtsiden
- Annonse -

Fredag blei forfattar Arnfinn Haga (82), som er oppvaksen på Stord tildelt Forsvarsmedaljen med laurbærgren av sjøforsvaret på Haakonsvern.

Arnfinn Haga fekk utmerkinga for sitt omfangsrike forfattarskap knytt til norsk krigshistorie, skriv Os og Fusaposten.

– Hagas litteratur gjev uvurderleg innsikt i viktige delar av andre verdskrig – historier om hendingar og mennesker som lett kunne gått tapt. Hans publikasjonar om krigsåra er svært solide skildringar av den norske motstandskampen, sa kontreadmiral Nils Andreas Stensønes under utdelinga.

Arnfinn Haga vart fødd i 1936 i Sagvåg, og har sidan 1970-talet vore busett på Os. Barndomsminnene frå andre verdskrig har sett djupe spor i han.

– Eg var guttunge under okkupasjonen av Noreg. Eg kan hugse dei tyske soldatane, og det var vel rundt disse tidene eg fikk stor interesse for det, sa han under utdelinga.

Haga hugsar spesielt godt Raidet på Litlabø i 1943, noko som han også har skrive bok om.

- Annonse -
- Annonse -
- Annonse -

– Eg hugsar spesielt ei hending som gjorde meg interessert. Då eg var sju år var det eit kommandoangrep på Stord. Det var ei natt i 1943 då skotske og norske kommandoar gjekk i land på Stord. Eg hugsar dei sprang rett foran huset vårt. Denne hendinga festa seg verkeleg i meg, og eg blei svært interessert i kva som eigentleg skjedde.

82-åringen har gitt ut nær 40 sakprosabøker om Andre verdskrigen, den siste utgjeven så seint som i haust. Då skreiv han om motstandsrørsla på Bømlo, i boka «Jaget av Gestapo».

Haga blei også tildelt Kongens fortenstmedalje i gull i 2003 for sitt forfattarskap.

- Annonse -