Marcus Adam (56) gjer seg klar til avreise frå Fitjar. Turen tok han i starten av august. Foto: Facebook/privat
- Annonse -
- Annonse -
- Annonse -

Tyske Markus Adam (56) brukar vasscooteren til mykje meir enn berre leik og moro. For nokre veker sidan drog han frå Fitjar og ut i storhavet.

Det er fjerde gong Markus dreg på vasscooter-tur i Norge. Tidlegare har han mellom anna køyrt langs heile norskekysten opp til Nordkapp.

Men denne gongen skulle tyskaren heilt til Island, via Færøyane og Shetland.

Ferda starta frå Fitjar i starten av august, i følgje Båtmagasinet, som drog til Fitjar for å lage reportasje om 56-åringen like før avreise.

Vasscooteren han nyttar er ein standard Yamaha Waverunner med 180 hestar, 1,8 liter motor, men den er blitt kraftig modifisert av Adam, som har bakgrunn som flypilot.

– Kysten av Norge har så mykje å by på at eg gjerne vil få med meg mest molig. Det er nye opplevingar rundt kvart einaste nes eller odde, seier han til magasinet.

- Annonse -
- Annonse -
- Annonse -

Turen frå Fitjar til Shetland er på 190 nautiske mil, og 56-åringen kom seg trygt fram etter ein 10 timars ferd. Etter kvart kom han seg også heilskinna fram til Island.

Han fortel at den store draumen er å køyre frå Vestlandet til Island, vidare til Grønland og heilt til Canada på vasscooter. Dermed er det ikkje heilt usannsynleg at han blir å sjå i skjærgarden i Fitjar også ved eit seinare høve.

- Annonse -