Dei folkekjære rollefigurane i Kardemomme by kjem til Stord i februar. Foto: NRK
- Annonse -

Riksteatret ønskjer å få med lokale born på scenen då det folkekjære Torbjørn Egner-stykket kjem på turné til Stord neste vinter.

Det må vere dei færraste i Norge som ikkje har eit forhold til Torbjørn Egners «Folk og røvere i Kardemomme by».

No treng ein ikkje dra til Dyreparken i Kristiansand for å oppleve dei folkekjære rollefigurane. Frå hausten av vil Riksteatret ta med stykket med på ein lang Norges-turné.

Stord vil få besøk av gjengen frå Kardemomme by 5. februar 2018. Og på scenen ønskjer dei hjelp frå lokale kulturutøvarar.

– Me kjem til å prøve å få med barn frå kulturskulen eller lokale kor på dei ulike spelestadane. Det er ei utfordring fordi me får kort prøvetid på kvar stad. Men me satsar på å få med lokale barn iallfall i koret. Det trur eg me skal få til, seier regissør Kim Haugen til NTB.

- Annonse -

Kim Haugen er for mange først og fremst kjend som skodespelar, men har fleire regioppgåver bak seg, blant anna publikumssuksessen «Kollaps i kulissene» som vitja Stord i vår. Han har også jobba med Torbjørn Egner før, då han sto bak «Dyrene i Hakkebakkeskogen» på Nationalteatret i 2015.

- Annonse -
- Annonse -

– Eg er glad i Egner. Han er ein av våre nasjonalskattar. Dette vert Egner som du kjenner det, men eg vil utvikle stoffet litt, som eg gjorde med Hakkebakkeskogen. Det skal bli ein musikalsk fest for heile familien, seier Haugen.

Stykket vil også bli sett opp på Bømlo og i Os.

- Annonse -